قصص حياتنا .. وازاى ماشية الايام ؟؟؟

ربنا يوفقك يا حمادتى وتحقق اللى بتمناه

انا بقى من صغرى وانا شقيه جدا جدا جداااااااااااااا

بس عقلت شويه لما كبرت هههههههههه

احكيلكو بقى من الابتدائى للثانوى اللى لسه مش دخلته ده

من اولى لتالته ابتدائى كانو سنين فقر وزباله والله كانت ايام سوده وكنت فاشله جدا

وكنت مش اعمل الوجب ولما المس تيجى تمر على الواجب انزل تحت الديس بس اتقفشت والحمد لله

سيبكو من سنوات الظلام دى

من اول رابعه ابتدائى

اتصاحبت على اتنين مروه وسوزان

كانو معايا فى السنين اللى قبلها بس مش كنا اصحاب اوى

كنا احنا التلاته كده شله لازم تلاقينا كلنا مع بعض وكنا عاملين عصابه

اسمها توتلى اسبيس كنا متاثرين اوى بالكارتون ده

وكنا بنبعت جوابات تهديد للمدرسين وكنا جايبين سلالس ومدليات وحاجات كتير كده كلنا بنلبسها

والمدرسه اصلا ماكنتش كبيره لانها كانت خاصه كان صف ليه فصلين بس

فالكل كان عرافنا وطبعا سمعتنا سبقانا بالعصابه دى

وانضملنا اتنين ولاد بس ماعمروش معانا كانو بيبوظو الشغلو بياكلو سندوتشانى هههههههه

مش نسياهلهم

كنت انا اسمى سمكه ومروة ميرو وسوزى سوسكا دى كانت اسامى العصابه

بس مروه كنت بحبها اوووى اكتر من سوزى وهى نفس الحكايه لانها كانت بتسافر السعوديه وبتبقى بعيد

عن عينى فى فتره الاجازة فكانت بتوحشنى اكتر

ودلوقتى مروه معايا فى الدورس بس مش زى الاول برده فى حاجات اتغيرت لما سيبنا بعض فى فتره

الاعدادى لانها مش كانت معايا فى المدرسه كملت تعليمها فى السعوديه بس رجعت مصر تانى السنه دى

بس وعدوا احلى تلت سنين مع مروة وسوزى

بجد كانت احلى ايام


بعد كده بقى دخلت اعدادى كان معايا واحده صحبتى اسمها دعاء كانت معايا فى بتدائى هى وواحده

اسمها روان واتعرفت على اتنين كمان ايه وامانى

كنا شله برده بس كان الموضوع عادى مش زى مروة وسوزى وكان عندنا مستر احمد بتاع الانجلش

كنا بنمووووت فيه عندنا فى الفصل السبع حصص كنا مجننينه

وانجى انتيمتى برده كانت معايا بس هى اكبر منى بسنه اتعرفت عليها فى الاجازه بتاعه سته

واتضح ان مامتها صاحبه ماما بيشتغلو فى نفس المدرسه اللى احنا اصلا فيها

فكنا مشهورين طبعا والمدرسين كلهم عارفينا مامهتنا موصين علينا بقى

متظبطين يعنى والواحد ما يعرفش يخلع من الحصه بقى ولو مش زاكرت يقولو لماما

حاجة تقرف

وانجى عرفتنى على هبه وساره وبقينا بره شله لحد ناو الحمد لله مع بعض علطول

اتعلمت عزف الجيتار فى تانيه اعدادى بقى بيانو وجيتار الى جانب الرسم والغنى

تالته كانت سنه خنيقه حصلتلى ظروف ومش دخلت نت ومزاكره بقى بس عدت الحمد لله

وادينى اهو شغاله فى دروس اولى ثانوى لحد ما ادخل لمدرسه ده اذا دخلناها اصلا


بالنسبه بقى للنت

كنت بدخل فى الاول شات الياهو الاهبل ده وفى واحد كان قالى على شباب رايق نفضت فى الاول

لانى ماكتش اعرف ايه اصلا معنى كلمه منتدى وبعدها قولت اسجل واجرب

لقيت الموضوع حلو وعاجبنى وكبرت ترررعت فيه

اتعرفت طبعا على ناس بجد مافيش زيهم كانو كتير اوى فى الاول واولهم نور

بس بعد ما فصلت النت ماعدش حد معايا الا نور كنت بنتكلم كل فتره نتطمن على بعض

ولما رجع النت تانى اتعرفت على ناس اكتر بس فى ناس افتقدتهم ومش اعرف عنهم حاجة

واتعرفت على الواد توتى كنا بنتكلم على الشوت وهو قالى بت تقريبا وبعتلى رساله يعتزرلى فها انه قالى يا بت

انا اصلا ماخدتش بالى انه قالها بس اخدنا ميلات بعض فى الاول كلامنا ماكنش كتير

لحد ما جه اليوم اللى اتطردنا فى من الشوت انا ونور وتوتى ودخلنا كون كان اول كون بينا

وبعدها بقى اتعودنا على الكون وعملنا الموسوعه وحمااااااااااااده جه معانا وهو من اكتر الناس اللى اتعرفت

عليهم بسرعه وانضم للموسوعه وكل يوم مع بعض لحد اما بقيت مش اقدر استغنى عنهم ابدا

وبقوا الحاجة الحلوة اللى فى حياتى

بحبهم اوووووووووى وفضل احبهم طول عمرى ومافيش اى حاجة هتفرقنا مهما كانت اكيد فى يوم هنرجع

ونتلم تانى ومش هيغيبو عن بالى ثانيه واحده عمرى ما هنساهم لانهم احسن صحاب بجد

انا بقى نفسى ابقى دكتوره قلب وابقى زى مجدى يعقوب

ادخل كليه طب او صيدله بس نفسى اوى مجموعى يدخلنى طب

هعمل اللى عليا و وهسيب الباقى على ربنا

بس نتفق من اولها اللى يتعب يجيلى انا حتى لو كان مش تخصص ماليش دعوه انا ههههههههه

طبعا بعد الشر عليكو من التعب

بس كده الى هنا تنتهى نشره الخبار القاكم فى الشارع اللى جاى

شكرا ليك على موضوع يا ادمن جزاك الله خيرا